Pas tensionit të javës së kaluar, kur deputetët e PD-së bllokuan për orë të tëra foltoren e kuvendit, edhe seanca e kësaj të enjteje ka nisur me përplasje mes mazhorancës dhe opozitës.
Kryetari i PDs-së, Lulzim Basha i kujtoi kryetarit të Kuvendit, Gramoz Ruçi, seancën e javës së kaluar dhe i bëri thirrje “të mos i vërë kazmën Parlamentit”.
Basha tha se mazhoranca po përpiqej të shmangte vëmendjen nga çështjet e rëndësishme me anë të trukeve për të shtyrë debatet.
“Detyra jote është të zbatosh rregulloren, jo ta amendosh me kartonat e një shumice. Deputeti kërkon zbatimin e rregullores, ti kërkon ta ndryshosh me votë. Mësoje këtë, zbatoje rregulloren. Mos i vër kazmën punimeve të parlamentit.
Mbase e ke porosi si javën e kaluar. Mos i vër kazmën parlamentit. Nuk je ti që vendos me shumicë kartonash sesi veprohet. Se nuk dua që kjo seancë të degjenerojë si herën e kaluar dhe e dyta se vërej një përpjekje sistematike për ta devijuar çështjen sipas interesit”.
Duke i pasur numrat në Kuvend, mazhoranca duket se ka vendosur për të rrëzuar çdo propozim të opozitës.
Në një debat të nisur nga deputeti i PD-së, Vangjel Dule në lidhje me projektligjin për ‘Pakicat Kombëtare’, janë përfshirë edhe deputetët e tjerë.
Mazhoranca e rrëzoi propozimin e Dules për shtyrjen e këtij projektligji, gjë që solli edhe reagimin e kreut të PD-së, Lulzim Basha.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...